Sawrkar enkawl zirna In ah zirlai awm zat a tlahniam

School Education Department enkawl School hrang hrangah zirlai awm zat an tlahniam. Session hmasa khan Primary School-ah zirlai 13,085 awmin Middle School-ah zirlai 25,828 an bakah High School-ah zirlai 40,615 awmin, Sawrkar School-a zirlai awm zawng zawng hi 79,528 a ni a. Hetihlai hian Session kal mekah erawh Primary School-ah zirlai 12,120 awmin Middle School-ah 25,195 leh High School-ah zirlai 38,677 awmin zirlai belhkhawm hi 75,992 a ni thung a. Primary School bikah Session hmasa aiin zirlai 1,938-in an tlem zawk a, Middle School-ah 633-a tlahniamin High School Section-ah zirlai 1,939 an tlem zawk a. Session hmasa aia Session kal mek a zirlai tlakhniamna zat hi 3,536 a ni.