Thubuai 43 ziaklut tawh

Mizoram State Commission for Prototection of Child Rights din a nih hnuah thubuai 43 ziahluh a ni tawh.

Kum 2018-a Mizoram State Commission for Protection of Child Rights (MS-CPCR) din a nih hnuah thubuai 43 ziahluh a ni tawh a, kum 2023 khan thubuai ziahluh hi tam berin 12 ziahluh a ni a. Heng zingah hian naupang enkawl leh humhimna dan bawhchhiatna tam berin The Juvenile Justice (Care & Protection of Children), Act hnuaiah thubuai 23 ziahluh a ni a, naupang kumtling lo laka mipat hmeichhiatna hmansual avanga dan bawhchhiatna thubuai 12 awmin hei hi The Protection of Children from Sexual Offences (POCSO) Act hnuaia thubuai ziahluh a ni thung. 

Heng bakah hian The Right of Children to Free and Compulsory Education (RTE) Act hnuaia thubuai ziahluh 6 awmin, Child Health thubuai pakhat leh The Child and Adolescent Labour (Prohibition and Regulation) Act hnuaiah thubuai pakhat ziahluh a awm bawk a ni.