Cheng vbc. 8 dawng tawh

Home Minister K. Sapdanga’n sawrkar laipui atangin raltlan tanpuina tur cheng vbc. 8 dawn a ni tawh tih Assembly Session-a East Tuipui bialtu MLA Ramthanmawia zawhna ziaka a chhanna ah a sawi a, Home Minister chuan raltlan tanpuina chu tun sawrkar kal mekah cheng vbc. 5 dawn a nih tawh thu leh sawrkar hmasa ah cheng vbc. 3 dawn a nih thu a sawi bawk. Home Minister chuan sawrkar hmasaa raltlan tanpuina pawisa dawn chu Refugee Camp siamna atana mamawh hrang hrang hrangah leh ei leh in mamawh ah te hman thin a ni tih sawiin, District hrang hrangah an mamawh ang zela pek-chhuah thin anih thu leh pawisa dawn hmaa raltlante enkawlna atana lo sen lawk tawh te rulh nana hman thin a nih thu a sawi a. Tun sawrkar thara cheng vbc. 5 an dawn chu hman a la ni lo tih sawiin, raltlan te mamawh atana hman tangkai tur a ni tih a sawi bawk.