Ruahsur thei lakah mipui fimkhur turin chah

Serchhip District mipuite chu ruah nasa tak sur avanga chhiatna thleng thei laka fimkhur tura chah an ni.
Hemi chungchanga nimin-a Serchhip District Bawrhsap leh District DMA Chairman Paul L. Khuma’n mipuite hnena hriattirna tichhuaka a tarlan danin Indian Meteorological Centre of Earth Sciences, Govt. of India in tun thla ni 20-a Bulletin a tihchhuah ah Mizoram hmun hrang hrangah August 21-25, 2024 chhung hian ruah nasa taka sur thei nia a sawilawk angin Serchhip District-ah pawh hemi chhung hian ruah tam tham tak sur chhunzawm zel thei dinhmunah a ding mek a; mipuite chu chi-ai lo tura hriattir an nih rualin ruah sur nasa avanga chhiatna thleng thut thei laka fimkhur tura chah an ni. Bawrhsap chuan mahni In leh lo te ruahsur nasa a dawl theih nan a tul anga thawmthat ngai laite thawm tha tur te; Lemin laka kan him nan Tuipaihna leh tuiluan kawrte mumal taka siam tur te; Ruah sur avanga leimin thei laite hrechianga fimkhur turte leh rikrum thila mamawh tur Torch Light, Emergency light, First Aid Kit, tui thianghlim leh ei tur te lo in rin lawk a that thu te chahin, Chhiatna a lo thlenin Serchhip District Emergency Operation Centre (DEOC) {h. No. 9862116104 emaw, Zonal Officer te hnenah emaw hriattir tur a nih thu te a tarlang a ni.