Thenzawl-ah Vawk thi tam leh
Serchhip District chhunga ASF vanga Vawk thi tamna ber Thenzawl khua ah hian ASF vanga Vawk thi la awm belh zelin nimin khan Vawk 17 lai a thi leh a, heng zinga 16 te hi thla thum leh thla riat inkar te an ni hlawm a, Thenzawl khua ah hian kumin chhungin ASF vanga Vawk thi 935 lai awmin Vawk 286 suat a ni tawh bawk a, chhungkaw 284 in harsatna an tawk tawh a ni. Nimin khan Khawlailung-ah Vawk thi 5 chhin-chhiah belh a ni bawk a, Chhiahtlang, Keitum, East Lungdar, Serchhip P&E Veng leh Serchhip Dinthar Veng-ah te Vawk pakhat theuh a thi bawk.
Nimin vek khan Serchhip District-a Veng leh khua 8-ah hri leng dar zel tur venna atan Vawk 24 suat leh a ni bawk a, Serchhip Kawnpui leh Chhiahtlang-ah Vawk 5 ve ve suatin Khawlai-lung-ah 4, Baktawng leh New Serchhip South-ah 3 ve ve Serchhip P&E Veng-ah pahnih Keitum leh Chekawn-ah Vawk pakhat ve ve suat a ni bawk.
Heti hian nimin thleng khan Serchhip District-ah kumin chhunga ASF vanga Vawk thi chhin-chhiah tawh chu 2721 niin Vawk 5798 suat a ni tawh bawk a, ASF avang hian chhungkaw 1763 ten harsatna an tawk tawh bawk a ni.
Comments
Post a Comment