Internet that loh vangin Ration sem an buai

Lawngtlai-a District Civil Supply Officer (DCSO) hnuaia Fair Price Shop te chuan Internet chhiat avangin Electronic Point of Scale (e-POS Machine) hmanga mipuite hnena Ration buhfai pekchhuah kawngah harsatna an tawk.

Lawngtlai District hi Sangau RD Block huamchhung Eastern Zone, Central Zone Lawngtlai leh Ngenpuithlang lam Western Zone angin a then theih a, Ngengpui thlang Western Zone-ah Internet signal a thatloh vangin Retailer ten e-POS Machine hmanga buhfai semchhuah ah harsatna an tawk nasa hle nia thudawn a ni a. Hemi chungchang hi DCSO Lawngtlai chuan Sawrkar thuneitute hnenah thlenin tun dinhmun ah Western Zone-a Retailer 74 leh Eastern Zone-a Retailer pakhat chu Offiline Mode a buhfai semchhuah Sawrkarin a phalsak nia thudawn a ni.

Lawngtlai-a DCSO Lalrinsanga chuan Central Zone, Lawngtlai leh a chhehvel bakah Eastern Zone Sangau RD Block huamchhung ah Online Mode a buhfai pekchhuah ah Retailer ten harsatna tawk mahse harsatna an tawh erawh a ziaawm deuh niin a sawi a, e-POS Machine in Internet signal a man that zawkna Retailer ten an hriat chuan Sim Card thlak phalsak an ni a, thuneitute hriatpuina tel loa mahni thu a thlak erawh rem lovin thuneitute hriatpuina hnuaiah Retailer ten an tih ve tur an tihfel hnuah thlak theih a nih thu a sawi a ni.