Ration Card thliarfel hna thawh mek a ni

ZPM Adviser leh Supply Department changtu Minister B. Lalchhanzova chuan Ration Card thliarfel hna thawh mek a nih thu a sawi.

Inrinni khan B. Lalchhanzova hian Aizawl Edenthar Veng Basic Service to Urban Poor (BSUP)-a awm te tlawhin helai hmuna cheng zinga thenkhat NFSA (Ration Card Eng leh Card Pawl) a awm tur leh awm si lo te a tlawh a, BSUP a cheng zinga Card var nei an lo la awm chu sawrkar hmalakna tur a ni tih sawiin, mirethei te chanvo/Quata buhfai man lo a sem te mirethei awmkhawmna BSUP-a awm te zingah chang ve lo an awm chu ram tan thil zahthlak tak a nih thu a sawi a. Card Eng leh Card Pawl-a awmlo tur awm mek te, Pathian malsawmna dawnga dinhmun tha a ding te Card Var-a thiarchhuak turin hmalak mek anih thu sawiin, “Aizawl Municipal Area-a Card en that mek hi mipui hmuh theih turin Veng tinah tarchhuah a ni anga, Complaint duh te tan complaint theih hun hawn a ni ang,” a ti a. BSUP-a awm ten an kawtkai-ah Ration an lak theih nan hmalak a nih tur thu a sawi bawk.