Trade License Fee tihsan sumdawng ten sawisel

 Siaha District-a sumdawng inzawmkhawm Pawl, Chamber of Commerce, Siaha District te chuan MADC sawrkarin Trade License Fee a siam tharah Fee an tisang lutuk leh an ennawn zing lutuk chu tha lo an tih thu an sawi.

Zirtawpni-a Siaha Press Club-a thuthar thehdarhtute an kawmna ah Chamber of Commerce hruaitute chuan, District dang ten kum 10 chuang Fee siam thar lova an hman laiin Siaha District-ah erawh kum 5 dan-a rate an siam thar chu a zing lutuka an hriat thu leh Siaha District Trade License Renewal Fee chu District dang ngaituahin a sang fal an tih thu an sawi a, Trade License Fee ennawn hrim hrim chu an duh lo ni lovin, rate hlui atanga thlirlet a, zaa 30 thlenga tihpun chu an lo rel lawk tawh a nih laiin zaa 100 chuanga tihsan a ni chu an duh lo hle tih an sawi a ni.

Chamber of Commerce chuan, Trade License Renewal Fee tihsan chuan sumdawngte mai piah lamah thilman san dan thleng a nghawng avangin a tuartu tur chu Mara ram mipuite leh mi rethei te an nih avangin Fee tihsan chu duh lo an nih thu an sawi tel bawk a ni.