Ram hmasawn zelah hmarchhak State dinhmun ngaih pawimawh a ni - MoS for RD Deptt.

Zonuna Kawlni /

Sawrkar laipui-a Union Minister of State for Rural Development Kamlesh Paswan chuan ram hmasawn zelah hmarchhak State dinhmun chu ngaih pawimawh a ni tih sawiin, hmasawnna chuan mi hnuaihnung ber a thlen theih nan hma an la zel dawn tih a sawi bawk.

Union Minister of State for Rural Development Kamlesh Paswan hian Inrinni zan zan khat riak-a Mizoram rawn tlawhin Muallungthu-a PMAY-G hnuaia Insak tanpuina dawng chhungkua a tlawh hnuin Aibawk-ah Insak tanpuina dawng te leh Sawrkar lam-a thawkte nen an inkawm a, he hunah hian Union Minister chuan sawrkar laipui hmalakna chu mitin thleng phak tura duan a ni tih sawiin, ram hmasawn zelah hmarchhak State pawh an dinhmun ngaih pawimawh a ni tih a sawi a, kawng hrang hranga hma an sawn theih nan theihtawp an chhuah tih a sawi bawk a. Mizoram-a inkalpawhna chuan hmasawn zelin hmun kilkhawr tlawhpawh anih theih nan sawrkarin hma a lak zel dawn thu leh Mizoram a Rel lo lut tur chuan hmasawnna tam tak a thlen dawn tih a sawi bawk a. PMAY-G hnuaiah Mizoram chhunga sing thum chuangin tanpuina an dawng thei chu lawmawm atih thu a sawi bawk.

Union Minister hian Inrinni tlai khan Aibawk RD Block-a BDO Office tlawhin an hmalakna hrang hrangte lo entir a nih bakah thawktute nen an inkawm a. Prime Minister Narendra Modi chuan India Hmarchhak State te kawng hrang hranga tih hmasawn a tum thu sawiin, amah pawhin a Ministry chan hnuaia hmasawnna hnathawh mek te dinhmun leh harsatna an tawh te hre tura rawn tlawh a nih thu a sawi a. Aibawk RD Block hnuaia heng Scheme hrang hrang - Pradhan Mantri Awaas Yojana-Gramin (PMAY-G) Pradhan Mantri Gram Sadak Yojana (PMGSY), MG-NREGA, Deen Dhayal Upadhaya Grameen Kaushalaya Yojana(DDU-GKY), MzSRLM etc. viltu leh buaipuitu Official te chu chipchiar takin an hmalakna te zawtin, beneficiary te hnenah pawh harsatna an neih te zawtin sawrkar mi pawimawh ten an tawiawm bawk a ni.

Comments

Post a Comment

I ngaihdan i sawi hian mipui ngaihdan i tarlang a ni!

Popular News (Last 30 Days)

Kawng siam dawn hnai

Zonuna Kawlni /
Image
National Highway-02 siam a nih hnuah he kawngpui in Serchhip Town chhunga a paltlang tawh loh, Chhiahtlang leh Serchhip khawpui chhung kawngpui siamthat hna chu PWD Serchhip Division ten an thawk dawn hnai nia thudawn niin hemi atan hian sum pawh ruahman a ni tawh nia thudawn a ni a. Tun tumah hian khawpui chhung paltlangtu Kikawn leh Sailiamkawn inkar chu Bituminous concrete a siam tum niin kawng siam hi zawhfel a nih hnuah chuan thla ruk (6) chhung Road cutting phalna pekchhuah a ni dawn lo a ni. Tun tuma kawng siam hna thawh turah hian New Serchhip North VC huamchhunga kawng kual nasa lutuk chu paih turin ruahmanna siam a ni bawk nia thudawn a ni.
Kimchang zawkin »

SEDBA hruaitu an thlang

Zonuna Kawlni /
Image
Serchhip District Boxing Association chuan kum 2026-2028 chhunga an hruaitu thlanna neiin President-ah C. Biakchhawna (New Serchhip) Sr. Vice President-ah BC. Liantluanga (Tuikhuah Veng); Vice President-ah R. Vanlalpeka (Vengchung), Secretary-ah David Laldintluanga (New Serchhip) Joint Secretary-ah T. Lalhuthanga (New Serchhip) leh V. Zosangliana (Leisang Veng); Treasurer-ah Prem Lalhmangaiha (Chanmari Veng) leh Fin. Secretary-ah David Lalrinmawia (P&E Veng) te thlan an ni.
Kimchang zawkin »

DIET Serchhip ten an titha

Zonuna Kawlni /
Image
Mizoram Board of School Education (MBSE) chuan nikum (2025) December thlaa Diploma in Elementary Education (D.EI.Ed) Examination a buatsaih result chu niminpiah khan a tichhuak a. District Institute of Education and Training (DIET) Serchhip-a Training mek te pawh an tha thawkhat a ni. DIET Serchhip atang hian 1st Semester-ah zirlai 48 ten Exam beiin mi 39 an pass a, a za zela 81.25 pass ang niin zirlai 9 ten Subject bat an nei a. 3rd Semester-ah zirlai 49 ten exam beiin an vaiin an pass vek thung a ni.
Kimchang zawkin »