Parent-Teacher Meet leh Parent-Mentor Meet nei

Govt. Serchhip College-a Mentoring Cell leh IQAC Core Committee te chuan nimin khan an College-a HD. Rosanga Multipurpose Hall-ah ‘Parent-Teacher Meet’ leh ‘Parent-Mentor Meet’ an buatsaih.
Nimin-a he hun hman hi Govt. Serchhip College Mentoring Cell-a Member Dr. Lalnunpuii Ralte chuan kaihruaiin Dr. Laldingluaia Khiangte chuan NEP kalpui a nih hnua Zirlaite tana Exam buatsaih a nih dan kalphung leh Internal Exam an kalpui dan bakah mark pek dan te a sawifiah a. Hemi hnu hian College Principal C. Laldintluanga chuan thu sawiin, zirna kawngah Zirlaite, Zirtirtute leh nu leh pa te chu lungthu anga an tantlan a tul thu a sawi a, nu leh pa ten kan fate pawl hniam lam an nih laia kan buaipui anga kan buaipui zui loh thin thu leh Class an kal leh kal loh te pawh an hriatpui mang lo chu an zirna tihniamtu a nih thin thu a sawi a. Zirna man cho a to thu leh nu leh pa ten sum tam tak senga an fate lehkha an zirtir thu sawiin, heng te hi a thlawna sen a nih lohna tura theihtawp an chhuah dawn thu te a sawi bawk a ni.

Hemi hnu hian Zirlai tinte tana Mentor ruat theuh leh leh zirlaite bakah zirlai nu leh pa te inkawmna hun chu hman chhunzawm nghal a ni a, he hunah hian zirlai ten Class an kal dan tlang-pui leh an dinhmun te chu zirlai nu leh pa te hi hrilh niin zirlai te leh zirna in hmasawn an ngaihna lai hrang hrangte pawh sawiho nghal a ni bawk.