Doctor te nuar dawn

Tun thla ni 9-a R.G. Kar Medical College & Hospital, Kolkata-a Post Graduate zirlai hmeichhia rawng taka pawngsual leh thahna chu India ram a Medical Community te chuan an dem thu an sawi a, Indian Medical Association (IMA) chuan he thil an duhloh zia lantirna atan Vawiin, August 17, 2024 zing dar 6:00 atanga naktuk, August 18, 2024 zing dar 6:00 chhung hian India rampum huapin Medical Service zawng zawng (emergency tiam loh) titawp-a nawrh an tum a. Hei hi IMA Mizoram State Branch pawhin an thlawp thu sawiin, “Hemi hun chhung hian Mizoram a Hospital (sawrkar, Private leh Mission Hospital) zawng zawngah Emergency services chauh hawn nise kan ti a, OPD-ah Doctor tumah an thu dawn lo tih kan hriattir e. Hei hian Private Clinic te pawh a huam vek ang,” an ti.