Mumbai-ah Mizoram Pineapple Festival nei

Inrinni tlai atang khan Mumbai-ah ‘Mizoram Pineapple Festival’ neih a ni.

Mumbai khawpui a Jio World Drive hmun-a neih ‘Mizoram Pineapple Festival’ hi Mizoram Horticulture Department-a Additional Director L. Lalhmingmawia Pachuau chuan hawngin Lakhuihthei Kut hi Mizoram tharchhuah Lakhuihthei ngei India ram khawpui lian zawka hralhchhuah a nih theih nana thehlar tumna atana buatsaih a nih thu leh Sialhawk leh a chhehvel khua atangin Lakhuihthei quintal 10 chuang he hun atan hian thawnthlak a nih thu a sawi a. Pineapple Festival-ah hian Lakhuihthei mai bakah Organic Stall, Handloom leh Handicraft leh Mizoram Start-ups te, MOM, Tuichangral FPO te leh dawr dangte hawn tel a ni bawk a. Hei bakah hian Horticulture Department in Stall siamin, Lakhuihthei bakah Dragonfruit, Mizo Hmarcha, Sapthei, Anthurium, Grape wine, Sawhthing leh Aieng te an phochhuak a ni.

Horticulture Department hnuaia Josie's Kitchen buatsaih Pineapple Festival neih chhung hian Lakhuihthei thar zawrhchhuah reng a ni a, Lakhuihthei ei tur te, Lakhuihthei tui in tur leh Cocktail a zawrh nghal a ni a. Mizoram a tharchhuah tui leh that bik zia chu Bollywood-ah vawrhlar tum a nih thu leh hei hian kuthnathawktute tan rah tha a chhuah ngei an beisei thu Horticulture Department hotute chuan an sawi a ni.