Mizo Diaspora Cell thukhawm

Khawvel hmun hrang hranga Mizo awm te huikhawma a tul ang zela an tana hnathawk tura din Mizo Diaspora Cell chu niminpiah khan CM Conference Hall-ah a tum khatna atan an thukhawm a, he thutkhawm hi an Chairman Vanlaldina Fanai, Commissioner & Secretary to Chief Minister chuan kaihruaiin tunhnaia ramdang leh State danga harsatna tawk sawrkarin an lo tanpui tawh dan report an ngaithla a. Placement Agency ten dan ang taka engkim an kalpui theih nana hmalak te, Labour, Employment, Skill Development & Entrepreneurship (LESDE) in Placement Rules an buaipui mek chu rang taka peih anih theih nana a tul anga bawhzui te an rel a. Anmahni bepawp duh emaw, an hnena thu thlen duh nei te chuan an email- diaspora-cell@mizoram.gov.in-ah thlen theih reng anih thu an sawi bawk.