Police 3 chawimawina hlan

Mizoram-a Police Officer pathum (3) te chu Independence Day 2024 denchhenin Ministry of Home Affairs (MHA) chuan Police hnathawk tha te chawimawina sang ‘President's Police Medal’ a hlan. Mizoram Police thuchhuah in a tarlan danin 3rd Bn. MAP-a Deputy Commandant nilai Zoramsanga Ralte MPS chu ‘President's Police Medal for Distinguished Service’ chawi-mawina hlan niin kum 2020-2023 chhung khan sawrkar mi pawimawh leh sawrkar khual tha thlen chungchanga mawhphurhna pawimawh tak thawkin Addl. SP(Security) hna a chelh a ni. Hei bakah hian President's Police Medal for Meritorius Service chu Serchhip-a SDPO hlui leh tuna Asst. Director (OPS), DM&R ni mek Kaste Romalsawma MPS hnenah leh 1st Bn. IR, Mualvum-a thawk mek Inspr. Vanlalhluna te hnenah hlan an ni bawk.