Lirthei chesual a boral vuiliam

Nizan hmasa a Khawlailung leh Chekawn inkara lirthei chetsualna a boral Lalrindika ruang chu nimin khan vuiliam a ni.
Nizan hmasa dar 7:00 vel khan Khawlailung atanga Chekawn lam KM khat vela hla, Bawlhhlawh paihna hlui ah Maruti car (800 Model) chu chesualin kawngthlang ah a tlanliam a, he lirthei chesual-ah mi pathum chuangin Lalrindika (42), North Mualcheng chu a hmunah boral nghalin K. Remsangpuia leh Lalrinkima, North Mualcheng khua ve ve te chuan hliam an tuar bawk a ni. Lalrindika hi Serchhip-ah te pawh lo khawsa tawh thin niin a ruang hi nizan hmasa khan an khua ah lak niin lumen a nih hnuah nimin khan vuiliam a ni a. K. Remsangpuia leh Lalrindika te hi Khaw-lailung damdawi In-ah lak niin enkawl an ni.

Thudawn danin he Motor chesual hi Khaw-lailung lam ta niin he Motor a chuang te hian an siam a, an siam zo a enchhinna atana an khaw lama an kal chu an let leh lam an chesual ta nia thudawn a ni.