Khaw hran ah ASF hri darh lutuk tawh rih lo
Nimin khan Serchhip District-a Veng leh khua 10-ah ASF vanga Vawk thi 35 chhinchhiah belh leh a ni a, heng zinga 15 te hi Thenzawl-a mi niin Khawlailung leh East Lungdar-ah 5 ve ve a thi bawk a, New Serchhip North-ah Vawk 3 thiin North Vanlaiphai-ah pahnih a thih bakah Chhiahtlang, Serchhip P&E Veng, New Serchhip South, Chanmari Veng leh Serchhip Dinthar-ah pakhat theuh a thi bawk a ni. Nimin vek khan Veng leh khua 11-ah hri leng darh zel tur venna atan Vawk 72 suat a ni bawk a, heng zinga 30 chu Serchhip Dinthar Veng a mi niin New Serchhip North leh Khawlailung-ah 12 ve ve te chu Vawk suat tam zualna khua te an ni bawk.
Heti hian nimin thleng khan Serchhip District-a Veng leh khua 30-ah kumin chhungin ASF vanga Vawk thi chu 2079 a tling ta a, Vawk 5305 suat ni tawh bawk a. Serchhip District-ah hian ASF vanga Vawk thi leh suat hi la aw belh zel mah se khaw hran ah erawh hri hi a darh zel tawh rih lo niin a lang a, hri leng hian ziaawm lam a pan ve hret hret niin a lang a ni.
Comments
Post a Comment
I ngaihdan i sawi hian mipui ngaihdan i tarlang a ni!