Kum 3 chhungin Mizoram-ah Buh MT 1,41,725 thar a ni

Kum 2021-2022 atanga 2023-2024 chhung khan Mizoram-ah Buh Metric Tonne (MT) 1,41,725 tharchhuah a ni. Mizoram Assembly thutkhawm neih zawh takah VL. Zaithanzama zawhna chhangin Agriculture & Farmers’ Welfare Department changtu Minister PC. Vanlalruata chuan kum 2021-2022, 2022-2023 leh 2023-2024 chhunga Mizoram buh tharchhuah zat chu Metric Tonne 1,41,725 a nih thu a tarlang a, kum 2021-2022-ah MT 60,881 tharin kum 2022-2023 ah MT 58,836 thar a nih thu leh kum 2023-2024 ah MT 22,008 thar a nih thu a tarlang a. Mizoram-a buh tharte hi State pawnah phurh leh thawnchhuah a awm thu Official-in report dawn a ni lo tih a tarlang bawk.