Casual Teacher 1369 la

School Education Department changtu Minister Dr. Vanlalthlana chuan Casual Teacher 1369 lak an nih tawh thu Assembly Session neih zawh takah House a hriattir.

Mizoram Assembly Session neih zawh takah School Education Minister hian Tuirial Bialtu MLA K. Laldawng-liana zawhna chhangin Casual Teacher hi High School-ah 350; Middle School-ah 371 leh Primary School-ah 648; an vaiin 1369 lak an ni tawh tih a tarlang a. Tun dinhmunah Casual Teacher hi High School leh Middle School-ah lak belh tumna a awm rih loh thu leh Primary erawh la ngaihtuah mek a nih thu a tarlang a ni.

Hetihlai  thudawnna pakhat chuan Casual Teacher tura lak mi 1369 zingah hian mi 354 te chuan an hna hi zawm lovin an decline tih a tarlang a, an zinga mi 325 te chu an tlin kawp avanga decline an nih thu leh heng mite hian hmundang ah an zawm tho tih tarlangin, heng mite tel lo hian Casual Teacher tura la zinga decline tawp chu mi 29 an nih thu a tarlang a. Hei hi Casual Teacher tura lak atanga chhut chuan za zdela 2.12 chauh a nih thu a tarlang bawk.