Inter-College Basketball Tournament-ah HBC an Champion

Zonuna Kawlni /

Mizo Zirlai Pawl (MZP) leh Aizawl District Basketball Association (ADBBA) tang-kawp buatsaih ‘Inter-College Basketball Tournament 2024’ chu Zirtawpni zan khan zawhfel niin Hrangbana College (HBC) chu an Champion a ni.

Inter-College Basketball Tournament 2024 hi July ni 29 atanga August ni 2, 2024 chhunga khelh niin Mizoram-a College leh University 7 te an tel a. Pachhunga University College (PUC) leh Hrangbana College (HBC) te'n Final khelin Hrangbana College te an Champion a, lawmman ah Trophy, Certificate leh pawisafai Rs. 50,000/- an dawng a, Pachhunga University College chu pahnihna niin lawmman ah Trophy, Certificate leh pawisafai Rs. 30,000/- an dawng a, Mizoram University chu pathumna niin, Trophy, Certificate leh pawisafai Rs. 20,000/- an dawng bawk. He Tournament-ah hian Most Valuable Player (MVP) atan H. Lalhmachhuana, HBC chu thlan niin Trophy, Certificate leh pawisafai Rs. 5,000/- a dawng bawk a ni.

Hawla Indoor Stadium, Aizawl-a he Tournament kharna inkhawm hi Sports Minister Lalnghinglova Hmar chuan khuallian nia hman-puiin nakin lawka hna la zawng mai tur zirlaite chu zirna kawngah an thiam tawklo a nih pawhin Skill Training hrang hrangte zir tur leh ruihhlo laka fihlim turtein a fuih a. Sports chu intihhlimna mai nilo eizawn nana hman tlak a nih thu sawi bawkin, National Level mai piah lamah World Level-ah te Mizo tam zawk kan lan theih nana tanlak a ngaih thu a sawi a, Sports lama tuimite chu hmathlir tha tak neia sang tak thlen tum ngei tura tan la turin a fuih bawk.

He hunah hian MZP President H. Lalthianghlima pawhin zirna kawnga pawimawh ber hriselna tha an neih theih nan leh inelna thianghlim an neih theih nan he Tournament hi buatsaih a ni tih a sawi bawk.

Comments

Post a Comment

I ngaihdan i sawi hian mipui ngaihdan i tarlang a ni!

Popular News (Last 30 Days)

Kawng siam dawn hnai

Zonuna Kawlni /
Image
National Highway-02 siam a nih hnuah he kawngpui in Serchhip Town chhunga a paltlang tawh loh, Chhiahtlang leh Serchhip khawpui chhung kawngpui siamthat hna chu PWD Serchhip Division ten an thawk dawn hnai nia thudawn niin hemi atan hian sum pawh ruahman a ni tawh nia thudawn a ni a. Tun tumah hian khawpui chhung paltlangtu Kikawn leh Sailiamkawn inkar chu Bituminous concrete a siam tum niin kawng siam hi zawhfel a nih hnuah chuan thla ruk (6) chhung Road cutting phalna pekchhuah a ni dawn lo a ni. Tun tuma kawng siam hna thawh turah hian New Serchhip North VC huamchhunga kawng kual nasa lutuk chu paih turin ruahmanna siam a ni bawk nia thudawn a ni.
Kimchang zawkin »

SEDBA hruaitu an thlang

Zonuna Kawlni /
Image
Serchhip District Boxing Association chuan kum 2026-2028 chhunga an hruaitu thlanna neiin President-ah C. Biakchhawna (New Serchhip) Sr. Vice President-ah BC. Liantluanga (Tuikhuah Veng); Vice President-ah R. Vanlalpeka (Vengchung), Secretary-ah David Laldintluanga (New Serchhip) Joint Secretary-ah T. Lalhuthanga (New Serchhip) leh V. Zosangliana (Leisang Veng); Treasurer-ah Prem Lalhmangaiha (Chanmari Veng) leh Fin. Secretary-ah David Lalrinmawia (P&E Veng) te thlan an ni.
Kimchang zawkin »

DIET Serchhip ten an titha

Zonuna Kawlni /
Image
Mizoram Board of School Education (MBSE) chuan nikum (2025) December thlaa Diploma in Elementary Education (D.EI.Ed) Examination a buatsaih result chu niminpiah khan a tichhuak a. District Institute of Education and Training (DIET) Serchhip-a Training mek te pawh an tha thawkhat a ni. DIET Serchhip atang hian 1st Semester-ah zirlai 48 ten Exam beiin mi 39 an pass a, a za zela 81.25 pass ang niin zirlai 9 ten Subject bat an nei a. 3rd Semester-ah zirlai 49 ten exam beiin an vaiin an pass vek thung a ni.
Kimchang zawkin »