Forest Department in zangnadawmna an hlan

Champhai Forest Division hnuaia ramsa in Lo leh huan thlai a tihchhiat sak te leh ranvulh a tihhlum sak te hnenah nimin khan zangnadawmna hlan a ni.

He zangnadawmna, Grant-in-Aid Wildlife Compensation hi kuthnathawktu mi 17 te hnenah Champhai DFO Lalbiakchama Chawngthu chuan hlan a, tun tuma Grant-in-Aid wildlife compensation pekchhuah zawng zawng hi Rs. 2,49,665/- a ni a. Nikum chhung khan mi 6 paruk hnenah Wildlife Compensation pek niin Rs. 4,16,500/- pekchhuah a ni bawk. Tun dinhmunah zangnadawmna nhi buh leh thlai hmun hectare khat zelah Rs. 5000/- zel pek theih a ni a. Ramsa in mihringte a beih avanga nunna chan an awmin cheng nuai 2 pek theih a ni bawk. Ramsa pel avang leh chhaihkawlh hmasak avanga hliam tuar emaw, nunna chan an awm chuan zangnadawmna pek theih an ni lo thung a, Zangnadawmna hmu turin dilna rintlak leh a finfiahna, kimchang nen thehluh a ngai a ni.