DC in P&E hmunhma a tlawh

Lunglei District Bawrhsap R. Lalthazuala chuan nimin khan Power & Electricity Department hnuaia Lunglei Power Circle (LPC) Superintending Engineer (SE) Office, Lunglei Power Maintenance Division-I (PMD-I) Executive Engineer (EE) Office leh Lunglei Power Sub-Station te a tlawh.

Lunglei District Bawrhsap hi P&E Lunglei Power Circle SE Er. Lalrinmawia hovin PMD-I EE Er. Lalnunpuii leh PMD-II EE E.r Lalngaihsaka te'n an lo dawngsawng a. Office hmunhma leh 2x6.3 MVA, 33/11 kV Sub-Station, Lunglei te fanpuiin, khawl leh thawktu dinhmun te, an hna thawh dan hrang hrangte Bawrhsap hi an hrilhfiah a. Lunglei Power Division hnuaia khaw hrang hrangin kawlphetha hnianghnar zawka an hmuh theihna tura thil pawimawh hrang hrang leh hmalakna tur ruahmanna te an sawiho bakah Mipui himna atan khaw chhunga kawlphetha hrui thlun hnaih lutuka In sak pumpelh a nih theih nana hmalak dan turte sawiho a ni

Lunglei Power Circle hian Mizoram chhim lam District pali - Lunglei, Siaha, Lawngtlai leh Hnahthial District-te bialin, a huam chhungah hian consumer 66,949 an awm a. LPC hnuaiah hian Division pali - Lunglei Power Maintenance Division-I (PMD-I), Lunglei Power Maintenance Division-II (PMD-II), Siaha Power Division (SPD) leh Lawngtlai Power Division (LPD) te awmin, PMD-I hnuaiah Sub-Division pali, PMD-II hnuaiah Sub-Division pathum leh SPD leh LPD hnuaiah Sub-Division pahnih ve ve, a zavaiin LPC huamchhungah Sub-Division Office 11 a awm a ni.

Lunglei Power Circle hnuaiah hian 132 kV Sub-Station pahnih - Khawiva leh Kawmzawl-ah a awm a; 33kV Sub-Station 17 leh Distribution Transformer (DT) 680 a awm bawk a. Kawl-phetha pekna hrui 132kV lines km 181.550-a thui te; 33kV lines km 644.21 te; 11kV lines km 1985.75 a thui leh LT lines km 931 a thui a awm a ni.