FOCUS kaltlangin loneihna hmanrua sem

Nimin khan Khawzawl-ah FOCUS DMU hmalakna in Loneitu hmeichhiate tan Lo neihna hmanrua sem semchhuah a ni.

Khawzawl-a FOCUS Office-a hmanrua semna hun hi Khawzawl DAO Vanlalruata Hnamte chuan kaihruaiin District Bawrhsap K. Vanlalthiana chuan a hmanpui a, fuihna thu a sawi hnuah heng bungrua te hi sem a ni. FOCUS, DMU-Khawzawl hi kum 2021 khan bul tan niin Agriculture, Horticulture, Soil leh Vety ah te hmalak a ni a. Loneitute thlai thar lamah leh sum lakluh lamah hma a sawn theih nan kawng hrang hrangin hma an lo la tawh thin a, Rs. 9,94,87,620 bawr vel loneitute tan hmanral ni tawhin, Lo leh huan bakah loneitute chhawmdawl nan Ar, Vawk, Kel leh Sial te hmangin chhawmdawlna hi pek an ni tawh bawk. Khawzawl District chhunga chhungkaw 2000 chuangin chhawmdawlna leh hmasawnna hi an lo dawng tawh a ni.