Kumin-a Teachers’ Day hman dan tur sawiho

Zonuna Kawlni /

State Working Committee for Teachers’ Day 2024 chu nimin khan thukhawmin in kumin-a Teachers’ Day hman dan tur leh thil pawimawh dang te sawiho a ni.

State Working Committee for Teachers’ Day 2024 thutkhawm Directorate of School Education Conference Hall-a neih hi an Chairman leh School Education Minister Dr. Vanlalthlana chuan kaihruaiin zirna hmasawn zelna tura zirtirtute pawimawhna a sawi a. State ah zirna quality tha siam a nih nan theihtawp chhuah turin a sawm bawk.

He Meeting hian kumin-a Zirtirtute Ni puala State pum huap leh District Level a hmalakna tur hrang hrang chhawpchhuah te chu en ho in pawm a ni a. Heng bakah hian National Foundation for Teachers Welfare (NFTW) Fund a sum thawh zat leh he Fund atanga zirtirtu damlo leh natna khirhkhan tuarte tanpuina pek chungchang te, Zirtirtu National leh State Awardee lo ni thawhte chawimawi chungchang te sawiho a ni bawk.

School Education Secretary David Lalthantluanga chuan Mizo zinga ram pum leh State pum huap Zirtirtu tha chawimawina – National leh State Award dawngtute chawimawi nachang hriat pawimawh a tih thu a sawi a. School Education Director Lalsangliana chuan Mizoram in Zirtirtu chhuanawm leh tha tak tak nei mahse National Award la thei tura hming thawh (recommendation) lut a tam loh thu sawiin, hemi kawng ah hian tanlak tul a tih thu a sawi tel bawk.

Comments

Post a Comment

I ngaihdan i sawi hian mipui ngaihdan i tarlang a ni!

Popular News (Last 30 Days)

Kawng siam dawn hnai

Zonuna Kawlni /
Image
National Highway-02 siam a nih hnuah he kawngpui in Serchhip Town chhunga a paltlang tawh loh, Chhiahtlang leh Serchhip khawpui chhung kawngpui siamthat hna chu PWD Serchhip Division ten an thawk dawn hnai nia thudawn niin hemi atan hian sum pawh ruahman a ni tawh nia thudawn a ni a. Tun tumah hian khawpui chhung paltlangtu Kikawn leh Sailiamkawn inkar chu Bituminous concrete a siam tum niin kawng siam hi zawhfel a nih hnuah chuan thla ruk (6) chhung Road cutting phalna pekchhuah a ni dawn lo a ni. Tun tuma kawng siam hna thawh turah hian New Serchhip North VC huamchhunga kawng kual nasa lutuk chu paih turin ruahmanna siam a ni bawk nia thudawn a ni.
Kimchang zawkin »

SEDBA hruaitu an thlang

Zonuna Kawlni /
Image
Serchhip District Boxing Association chuan kum 2026-2028 chhunga an hruaitu thlanna neiin President-ah C. Biakchhawna (New Serchhip) Sr. Vice President-ah BC. Liantluanga (Tuikhuah Veng); Vice President-ah R. Vanlalpeka (Vengchung), Secretary-ah David Laldintluanga (New Serchhip) Joint Secretary-ah T. Lalhuthanga (New Serchhip) leh V. Zosangliana (Leisang Veng); Treasurer-ah Prem Lalhmangaiha (Chanmari Veng) leh Fin. Secretary-ah David Lalrinmawia (P&E Veng) te thlan an ni.
Kimchang zawkin »

DIET Serchhip ten an titha

Zonuna Kawlni /
Image
Mizoram Board of School Education (MBSE) chuan nikum (2025) December thlaa Diploma in Elementary Education (D.EI.Ed) Examination a buatsaih result chu niminpiah khan a tichhuak a. District Institute of Education and Training (DIET) Serchhip-a Training mek te pawh an tha thawkhat a ni. DIET Serchhip atang hian 1st Semester-ah zirlai 48 ten Exam beiin mi 39 an pass a, a za zela 81.25 pass ang niin zirlai 9 ten Subject bat an nei a. 3rd Semester-ah zirlai 49 ten exam beiin an vaiin an pass vek thung a ni.
Kimchang zawkin »