District Quarterly Statistical Bulletin tlangzarh

Zonuna Kawlni (LENKAWL) • August 1, 2024 • Comments • Mizoram

Kolasib District Bawrhsap Robert C. Lalhmangaiha chuan nimin khan ‘Kolasib District Quarterly Statistical Bulletin for April to June 2024’ chu a Pisa-ah a tlangzarh.

District Research Officer (DRO) Office, Kolasib buatsaih Kolasib District Quarterly Statistical Bulletin-ah hian Kolasib District chhunga Statistic pawimawh tak tak tarlan a ni a. Report-a a lan danin Kolasib-a mihring awm zat chu 2011 census in a tarlan danin mi 83,054 a ni a. January to June 2024 inkara naupiang zat hi mi 611 niin, hmeichhia 316 leh mipa 295 an ni a, mitthi erawh heng thla chhung hian mipa 189 leh hmeichhia 108 an ni a. April, May leh June 2024 ah thihna chhan tam ber hi Cancer niin, Lung thalo leh Thin lam natna in a dawt bawk a ni. Khualzin hi ram chhung mi thahnem hle mahse ram pawn mi erawh January to April chhungin inziaklut mi 8 an awm thung a ni.