ZORO in sawrkar chungah lawmthu an sawi

ZORO chuan Bangladesh atanga sahimna zawnga kan unau rawn raltlan te theihtawp a lo buaipuia lo dawngsawngtu Mizoram Sawrkar chungah thinlung taka an lawm thu an sawi.

Nimin a thuchhuah an siamah ZORO chuan Kuki Chin National Front leh Bangladesh Sawrkar-ah inhmuh thiam lohna a awm avanga Bangladesh kan unau sahimna zawnga Mizoram rawn raltlan te Border Security Force (BSF) ten Bangladesh rama thawnkir leh turin hma an la tih sawiin, June thla tir pawh khan mi thahnem tak an lo thawnkir tawh thu leh July 4, 2024 khan Damdep-II a mi thahnem tak rawn lut chu BSF ten hriain July 5, 2024 khan thawnkir leh turin ramri an phur thleng hman tih an sawi a. Hemi chungchanga Chief Minister leh Mizoram Sawrkar hmalakna avangin BSF ten ramri-a an phurh thlen tawh Bangladesh kan unaute chu Mizoram Police kut-ah hlan an nih thu leh July 8, 2024 khan Chamdur Project khua thlenpui an nih thu an sawi a ni.

ZORO chuan Bangladesh atanga sahimna zawnga kan unau rawn raltlan te theihtawp a lo buaipuia lo dawngsawngtu Mizoram Sawrkar chungah thinlung taka lawmthu an sawi thu tarlangin, an harsatna hriaa hma lo latu NGO hrang hrang te leh an tihbuai khaw hrang hrangte chungah lawmthu a sawi bawk a. Heng raltlan te pawh hi Mizoram chhungah thlamuang taka awm turin duhsakna an hlan nghal bawk a ni.