Zirlai tithate Laptop leh Mobile Phone hlan

West Tuipui bialtu MLA Prova Chakma chuan kumin-a HSLC leh HSSLC Exam-a Bial chhung atanga zirlai titha te hnenah nimin khan lawmpuina leh chawimawina thilpek a hlan.

Hemi puala inkhawm Tlabung YMA Run-a neih ah bialtu MLA Prova Chakma chuan hlawhtling turin zirlai ten tumruhna ringawt piah lamah taimakna an neih tel a ngai tih sawiin, an bial chu zirna lamah hmun dang aia hnufual a nih avangin, zirlaite chu phûrna leh inpekna nei tura nawr kal nan chawi-mawina thilpek chu a hlan ta tih a sawi a. He huna tel Sawrkar department aiawh, khawtlang hruaitute, political party hrang hrang hruaitute leh zirna In a thawktu kalkhawmte chu an bialin zirna lama hma a sawn theihna tura thawhpuiah a sawm bawk.

He hunah hian Prova Chakma kumin a HSLC leh HSSLC Exam-a Distinction-a pass mi 8 te hnenah Lapton hlanin 1st Division-a pass mi 48 te hnenah 5G hman theihna Mobile Phone a hlan bawk a ni.