MJA in General Body Meeting an nei

Mizoram Journalists Association (MJA) General Hqrs. chuan nimin khan Aizawl Press Club-ah General Body Meeting an nei a, he hunah hian an President C. Lalrambuatsaiha chuan thuthar thehdarh kawngah Journalist ten tan an lak thar zel a tul thu a sawi a. Social Media platform hrang hrang hmangtu an pung zel a, hei hian thuthar thehdarhtute a run nasa a, a bikin chanchinbu lam-a thawktute chu Social Media-in a eiral mai loh nan an insang mar a, tun aia chak lehzual-a ke an pen a tul thu a sawi bawk. MJA General Body Meeting hi Vice President C. Lalhmachhuana chuan a kaihruai a, MJA member ten an pawl hmachhawp leh hmalakna tura an thil duh hrang hrang an sawiho a. Kumin June ni 6-a MJA Executive Committee thukhawmin MJA member atana a lak tharte chu MJA President C. Lalrambuatsaiha'n a lawmlut nghal a ni.