MR kawl theih zat ti danglam

Mizoram sawrkar chuan sawrkar sum din-hmun avangin sawrkar hnathawk lian te'n an In-a Muster Roll (MR) an kawl theih chin titlemin tthenkhat chu a tihtawp sak a, hemi chungchang ah hian nimin July 8, 2024 khan Office Memorandum tihchhuah niin thla thar August 1, 2024 atanga hman tan tur a ni ang. Hemi chungchang a thuchhuah in a tarlan danin Chief Secretary leh Additional Chief Secretary-te'n MR pathum an kawl theih thin chu pahnih-ah tihtlem a ni a, Prinicipal Secretary-ten MR pahnih an kawl theih thin chu pakhat-ah tihtlem niin Commissioners, Secretaries, Additional Secretaries, Special Secretaries leh Joint Secretaries chuan MR pakhat an kawl thei chhunzawm dawn a. Deputy Secretaries, Under Secretaries leh an tlukpuite'n MR an kawl theih thin chu tihtawp a ni thung.