World Zoonoses Day 2024 hman a ni

Inrinni kalta July 6, 2024 kha ‘World Zoonoses Day 2024’ a ni a, Centre for One-Health, AH & Veterinary Department bultumin he ni hi Veterinary Polyclinic Hospital, Khatla, Aizawl-ah hman a ni.

‘World Zoonoses Day 2024’ puala hun hman ah hian Dr. R. Zothanmawii, Additional Director (VS&PH) chuan kan ran enkawl danah fimkhur a ngai tih sawiin, “Kan ran te an hrisel loh chuan an hnen atangin natna chi hrang hrang kan kai thei a, kan ran te kan enkawl thianghlima, uluk leh fimkhur taka enkawl a pawimawh a ni tih hriatreng a ngai a, chutiang tur chuan a hun takah a hri vennate kan pek a ngai a ni,” a ti.

Kumin-a World Zoonoses Day-ah hian thupui atan ‘Ran atanga hri inkaichhawn theih te khuahkhirh leh umbo tura tanrual’ tih hman a ni a, July ni 6, 1885 khan France ramah Louis Pasteur chuan a vawikhat nan Anti-Rabies Vaccine chu naupang ah a pe a, he ni hi ‘World Zoonoses Day’ atan hman zui a ni.

Comments

Popular News (Last 30 Days)

Serchhip DCSO sawn a ni

Bawngchawm tlang khualbuk rawktu nia hriat mi 2 man