Thla thar leina tur ruahman

Mizoram State Policy Coordination Committee chu nimin khan Chief Minister Lalduhoma hovin CM Conference Hall-ah an thukhawm a, he hunah hian thlai thar lei tur pahnihte Collection Centre tur ruatfelin, Hmunphiah chu Policy in a lo sawi tawh angin Collection Centre-ah kg. khat zelah Grade A chu Rs. 100/- leh Grade B Rs. 80/- a lei tur a ni a, Collection Centre hi hmun thum- Saipum, Vairengte leh Bairabi-ah a awm anga. A dahkhawmna tur Warehouse hi hmun hrang hrangah sak tum mek a ni bawk.

 

Hei bakah hian Sawhthing chu Collection Centre-ah bawk kg. khat zelah Rs. 50/- aia tlem lova leisak tur a ni a. Collection Centre hi Bairabi leh Sairang-ah te an awm ang. Sawh-thing hi Open Market-a kalpui tur a ni a, Open Market Buyer an awm loh palh theih avangin a invenna atan he ruahmanna hi siam a ni. Meeting hian Collection Centre te hi chak taka umzui nise an ti a, Thlai thar palite lei chungchang ah hian Data mumal tak vawn a tul avangin Data Entry Centre dahna tur pawh an rel fel nghal a ni.