Minister in Deptt. te kawm

Mizoram sawrkar-a Minister Dr. Vanlalthlana chuan nimin khan Lunglei HPC Conference Hall-ah a Department chan School Education, Higher & Technical Education, Taxation, Information & Public Relations leh Information & Communication Technology hnuaia Lunglei-a thawktute chu a kawm a. Minister chuan heng Department-a thawktute a mal mala kawm a duh chhan sawiin, Office Staff leh Office dinhmun te hriatchiana, an harsatna leh mamawh te bakah thurawn an neih te ngaihthlak sak a, inpawh taka sawihopui a duh vang a nih thu a sawi a. Department-a thawktute hian an dinhmun te Minister hnenah hian an tarlan bakah harsatna leh mamawh an neih te an thlen bawk a ni. He hunah hian Minister hi Lunglei HPC Vice Chairman V. Malsawmtluanga leh Lunglei West Bialtu MLA T. Lalhlimpuia ten an tawiawm a ni.