Forest Clearance hmuh loh vangin hna tan thei lo

Cheng vbc. 43.56 senga Hnahthial-a 132kV Power Sub Station siam tur chu sawrkarin sum thenkhat sanction tawh mah se Forest Clearance hmuh a la nih loh avangin hna tan theih a la ni lo. Hemi chungchang ah hian Hnahthial Sub-Hqrs. YMA hruaitute chuan an President H. Hmingthanzuala hovin Power & Electricity Department Hnahthial Sub-Division SDO B. Lalchhanhima chu hmu in, thil kal dan an zawtfiah a, SDO chuan a hmun hma an tihfel tawh thu te, hna thawh tanna atan Rs. 1,59,00,000 chu sawrkar in nikum lama a sanction fel tawh thu leh Forest Clearance an hmuh theih loh avanga hna tan thei lo an nih thu te a sawi a ni. Hnahthial Sub-Hqrs. YMA hruaitute hian Settlement Officer Lalbiakfela pawh an hmuh bakah 132kV Sub Station dinna hmunhma tur pawh an tlawh bawk a ni.