Thawhhona tur hming ziak

Nimin khan UD&PA Department changtu Minister K. Sapdanga hovin UD&PA Department hnuaia Office hrang hrang - Aizawl Municipal Corporation (AMC), Directorate of UD&PA leh Aizawl Smart City Limited te tangho a hma-lakna tur ‘Comprehensive Plan for Municipal Waste Management in Aizawl’ atan thawhhona thuthlung ziah a ni a, UD&PA Minister bakah AMC, UD&PA leh Aizawl Smart City Limited aiawh ten hming an ziaka  ni.

He ruahmanna in a tum ber chu sawrkar Department mai bakah mipui mimir tanhona hmanga Aizawl chu India ram khaw fai berte zinga siam a ni a. He ruahmanna in a kentel zingah Khawpui kawtthler leh mipui vantlang hmun mai bakah lui leh kawr te bawlh-hlawh awm lo leh fai taka siam chu telin Bawlhhlawh tawih thei te mumal taka Tuirial-a sawngbawl hna kalpui mek bakah tawih thei lo te chu a sawngbawl dan tur leh a paihna hmun turah chauh paih dan tur ruahman pawh a tel a. Hemi atan hian Material Recovery Facility chu Luangmual IGC hmunah din turin hma lak mek a ni a. Tunhma atanga Bawlh-hlawh lo intiang vum sa te thianghlim tak leh awmze nei deh ral tum a ni bawk.

Heng bakah hian Aizawl District leh District dang 4 – Kolasib, Mamit, Serchhip leh Saitual District-a Hospital leh Healthcare Facilities hrang hranga bawlhhlawh te chu a halralna hmunah thianghlim taka tihral tum a ni a. Hemi atan hian Common-Bio Medical Waste Facility chu Tuirial-ah din niin, tunah hian thla 2 chhung atan trial nei turin ruahmanna kalpui mek a ni. 

Hei bakah hian Leivung paihna mumal taka siam turin hmalak mek a ni bawk a. AMC in hmun hrang hrang an ruahman tawh sa bakah Khatla-ah leivung paihna tur hi a thar siam mek a ni bawk a. Insakna bungraw hluihlawn paihna leh sawngbawlna tur pawh Hualngohmun-ah ruahman mek a ni bawk.