Swachhata Green Leaf Rating chungchang sawihona nei

Nimin khan Serchhip-ah District Level Committee on Swachhata Green Leaf Rating on Hospitality Facilities chu thukhawmin an hmalakna tur hrang hrang an sawiho.
He thutkhawm Serchhip DC Meeting Room-a neih hi an Chairman leh District Bawrhsap Paul L. Khuma chuan a kaihruai a, Er. Isaac Lalchhuanmawia, Sr. EE. PHE chuan Swachhata Green Leaf Rating on Hospitality Facilities hian a tum ber chu khaw hrang hranga Resort, Hotel, Homestay, Lodgte, IB, Inthiarna hmunhma nei Camps, Trekking Group te leh khualzinte’n man chawia thlenna atana an hman tawh phawt te chu sawrkar enkawl a ni emaw, mimal (private) in an siam a ni emaw pawh nise mipui hman atan a thianghlim tawk em tih endik leh an performance a zira Ratings pek an ni dawn tih a sawi a. He Ratings hi sawrkar Standards a hman tur niin, nakin zela an sumdawnna atan leh a dawrtu lehzel turte tan an dawr tur thlanna kawngah a la tangkai hle dawn tih a sawi bawk.

Nimin-a Meeting hian Serchhip Joint VC Chairman leh YMA leh MHIP Sub-Hqrs. a President te chu Member atan ruatin UD&PA leh LAD aiawh ruat an ni bawk a, Serchhip DC Office-a SDO (Sadar) kaihhruaina hnuaiah Verification Sub-Committee pawh an din nghal a, PHE Serchhip-a SDO chu Member Secretary niin Member tur mi pathum an ruat bawk a. Hei bakah hian August 20,2 024 khian District Level Orientation Workshop neih nise an ti a, a tul anga Resort, Hotel, Homestay, Lodgte, IB, Inthiarna hmunhma nei Camps, Trekking Group te listing leh Mapping lo buatsaih turin PHE Department leh Tourism Department te ruat an ni bawk.