State Task Force for Immunisation thukhawm

State Task Force for Immunisation (STFI) chu nimin khan thukhawmin Mizoram District hrang hranga hri danna pek (immunisation) kawnga hmalaknate leh programme hlawhtlinpui tawhna te an thlirho.

He thutkhawm SAD Conference Hall-I a neih hi an Chairma leh Health Secretary Sangchhin Chinzah chuan kaihruaiin NHM Mission Director Dr. Eric Zomawia chuan Mizoram pumah Immunisation Programme hrang hrang kalpui mek dan a tarlan hnuah report ngaihthlak a ni a, zawhna leh chhanna hun hman nghal niin report petuten an sawifiah zel a ni. State Immunisation Officer Dr. Lalmuanawmna Jongte-in 'Brief Overview of UIP Programme' leh 'Zero Dose Implementation & GAVI supported District (Lawngtlai) chungchang tarlangin, Surveillance Medical Officer Dr. Lalhlimpuii'n 'Measles-Rubella Elimination' chungchang a sawizau bawk.

Rampumah naupang kum 5 chin zingah a lo berah 95% immunisation hlawhtlinpui a nih theih nan theihtawp chhuah mek a ni a. State, District leh Block Level-ah sawrkar leh tlawmngai pawlte thawhhona tha neih a pawimawhzia leh mipuite hnenah immunisation pawimawhna te hrilhhriat (awareness) lamah nasa lehzuala tanlak dan tur te sawiho a ni.