Serchhip-ah MHIP Golden Jubilee lawm a ni

Mizo Hmeichhe Insuihkhawm Pawl (MHIP) in kum 50 a tlinna, Golden Jubilee chu Inrinni kalta, July 6, 2024 khan hmun hrang hrangah urhsun taka lawm a ni a, Serchhip-a MHIP Branch hrang hrangte pawhin he ni hi a huho in an hmang a ni.
MHIP Sub-Hqrs. Serchhip huaihawta Serchhip Auditorium-a MHIP Golden Jubilee lawmna hun hi an President Lianthangi chuan kaihruaiin Khuallian atan Serchhip-a Judicial Magistrate First Class Josangzeli Tlau chu hman a ni a, khuallian chuan Mizo ten tlawmngai pawl hrang hrang kan neih thu leh chung zingah chuan MHIP te hian hna an thawh nasat thu leh an hnathawh a ropui thu a sawi a. Chhungkaw enkawltu pawimawh ber chu nu te an nih thu pawh sawiin, ram siamthatna atana an pawimawhna hre tharin an hna ah rinawm turin he huna kalkhawmte chu a chah a. Thil engpawh dan hmanga dik taka tih a, Dan hmang veka chinfel thin chu a that thu a sawi bawk.

MHIP Sub-Hqrs. Serchhip ten MHIP Day Golden Jubilee an lawmna hunah hian kum 2017-a Serchhip atanga State Level Teachers Award dawngtu K. Zoramchhani chu khual zahawm ah hman niin thu a sawi bawk a, MHIP Thuthlung sawirualna hun hmangin Joint VC leh Serchhip Sub-Hqrs. YMA te atangin thusawi ngaihthlak a ni bawk a. Chawhnu lamah Variety Programme hmangin MHIP Branch hrang hrang ten Item chi hrang hrang entirin nileng in hun an hmang a ni.

Comments

Popular News (Last 30 Days)

Serchhip DCSO sawn a ni

Bawngchawm tlang khualbuk rawktu nia hriat mi 2 man