Sairang leh Kolasib inkar kawng thawmthat mek tlawh
Assembly Deputy Speaker Lalfamkima chuan nimin khan NH-54/6 Sairang to Kolasib kawng thawmthat mek chu tlawhin, NHIDCL hotute leh Contractor te chu chak zawka hna thawk turin a chah.
Deputy Speaker hian Sairang-a Forest IB atanga kawng thalo lai te enfiah nghalin NHIDCL-a an Executive Engineer leh Contractor te chu an hmanraw hman leh an harsatna tawh te a zawtfiah a. Highway leh Contractor lam hian ruahtui leh kawng min thin chu an harsatna ber ni a sawiin, duh anga lung quality tha hmuh mai tur a awmlo chuan an hnathawh tam tak a daih rei theih loh phah niin an sawi a. Deputy Speaker chuan Mizoram chak lakna ber kawng pawimawh tak a nih avangin mipui mamawhna hriaa theihtawpa tan la leh zual sauh turin thawktute chu a hrilh a ni.Sairang leh Kawnpui inkar kawng siam mek hi tunhnai ruahsur leh leimin in kawng a tichhe hle a. Contractor te tarlan danin phai atanga lung tha chi leh hmanraw dangte chahin theih ang angin an buaipui a, hmun thenkhat Paver Block a siam a ni bawk. Rail kawng siam mekah approach road an laih atanga tuihawk lo luang thin chuan harsatna a siam thu pawh sawiin, ruahmanna tha zawk a awm theih dan tur sawiho a ni bawk. Kawng chhe zual lai hi Dry Lean Concrete (DLC) leh Pavement Quality Concrete (PQR) te a thawkin kawng siamtute zinga pakhat, Goyal Infrastructure chuan Material tha zawk State pawn atangte leh Rail kawng siamtute hnen atangin an chawkluh thin thu an sawi bawk.
Comments
Post a Comment