Model Village-a hmalak dan thlirhona hun hmang

Mizoram-a Member of Parliament (MP) pahnih ten Model Village atana an thlan khaw pahnih-a hmalak dan tur sawihona neih a ni. Sansad Adarsh Gram Yojana (SAGY) hnuaiah hian Rajya Sabha MP K. Vanlalvena chuan Phase V-ah Ratu khua chu Model Village atan thlangin Lok Sabha MP hlui C. Lalrosanga khan Phase-IV hnuaiah Muallungthu khua chu a lo thlang tawh bawk a. Ratu khua ah hian hmasawnna hna hrang hrang 32 chu Department sawm chuangin an thawh turin Village Development Plan hnuaiah dah niin chung zinga 18 chu zawhfel tawh a ni a. Muallungthu khua ah hian Village Development Plan hnuaia hnathawh tur hrang hrang sawmnga chuang duanchhuah atangin 71% zawhfel tawh a nih thu District Level Committee on SAGY thutkhawm ah hian tarlan a ni.