Minister hovin World Hepatitis Day hmang

Zonuna Kawlni /

World Hepatitis Day 2024 chu nimin khan hman niin Aizawl-ah chuan Health Minister Lalrinpuii hovin hun hman a ni.

Health & Family Welfare Department leh pawl hrang hrang tangrual buatsaiha ‘World Hepatitis Day 2024’ puala Taxation Department Auditorium-a hun hman ah hian ‘Its time for action’ tih chu thupui-ah hman niin he hun hmanpuitu Health Minister Lalrinpuii chuan Hepatitis lo insiam theih dan bakah a darh chhan hrang hrangte leh inven dan kawng hrang hrangte a tarlang a. Khawvel pum huap pawhin Hepatitis chu um bo tura chak taka hmalak mek zel a nih thute, hemi atan hian mi tinin chanvo pawimawh tak kan neih theuh bakah mipui vantlang hnenah pawh zau zawka heng thute hi puanzarpui turin kalkhawmte a sawm nghal bawk a ni.

He hunah hian National Health Mission (NHM) Mission Director Dr. Eric Zomawia chuan Hepatitis inkaichhawn theih dan leh a lanchhuah dante sawiin, Dr. Doris Lalnunmawii Sailo, State Nodal Officer, NVHCP chuan kumin a World Hepatitis Day thupui hmangin thu a sawi a, Dr. Chawnglungmuana, CEO, SHALOM Society pawhin Hepatitis laka inven dan tih thupui hmanga zirtirna pein a thlawnin Hepatitis leh HIV test neih nghal a ni bawk.

Comments

Post a Comment

Popular News (Last 30 Days)

C&I Minister in hmanpui

Zonuna Kawlni /
Commerce & Industries Minister F. Roding-liana chuan nimin khan Industrial Growth Centre, Luangmual-ah ZOPA Concrete Block Industry hawnna hun hmanpuiin Industry la din zel turte pawh sawrkar chuan puih a huam reng tih a sawi a. Mizote’n kan ramchhunga siam, kan mamawh em em, Mizo siam dik tak Cubic lung kan ban phaka a awm tawh tur chu a ropui hle tih sawiin, hlawhtling tur chuan taimakna leh tih tak takna rilru neih a tul thu a sawi bawk.
Kimchang zawkin »