Lunglei Circuit House cheithat Chief Secretary in a hawng

Lunglei Circuit House cheithat chu niminpiah khan Chief Secretary Dr. Renu Sharma chuan a hawng.

Hemi puala Inkhawm tawi neih ah Lunglei DC Ramdinliani chuan inlawmna thu sawiin, nikum October thla atang khan Lunglei Circuit House cheithat hna hi thawh tan a nih thu leh Mizoram sawrkar atangin nikum khan cheng nuai 19.62 dawn a nih bakah kuminah cheng nuai 21.24 ldawn leh a ni tih a sawi a. Sr.EE PWD te nen estimate siamin, a structure la hman tlak la awm te nen theihtawp chhuaha cheithat hna thawh a nih thu a sawi bawk a ni.

He hunah hian Chief Secretary Dr. Renu Sharma chuan Lunglei DC leh a thawhpuiten Circuit House thawmthat hna tha taka an thawk thei chu lawmawm a tih thu a sawi a. Circuit House Lunglei chu Mizoram History-ah hmun pawimawh tak luahtu a ni a. Chuvang chuan thuamthata chei-mawi zel chu kan mawhphurhna a nih thu a sawi a. Mikhual thlen kawngah pawh thawktute tun aia tan la thar a, biak nuam leh hmel hlim tak pu chunga mikhualte lo chhawn thin tura a ngen bakah Lunglei Circuit House thlalak hlui te chu dahthat a vawnghim tlat turin a chah bawk.

Lunglei Circuit House hi kum 1901 khan sak niin kum 1986 thleng khan luah a ni a, hemi kum vek hian sak that niin kum 1991 khan sak zawh a nih hnuah luah zui ala ni ta zel a. Tun tuma Circuit House cheithat hi October, 2023-ah bul tan a ni a, Mizoram sawrkar atangin 1st Installment ah cheng nuai 19.62 dawn a nih bakah2nd Installment-ah cheng nuai 21.24, avaiin cheng nuai 40.86 dawn a ni a. Heng sum hmang hian Room hrang hrang bakah Conference Hall, Dining Hall, Kitchen, Bathroom leh bulding rawng te hnawih thar a ni bawk.

Lunglei Circuit House cheithat hawnna hunah hian GAD changtu Commissioner & Secretary Vanlaldina Fanai pawhin Lunglei DC leh a thawhpuite thawhrimna chu a fak bawk a ni.