Lunglei-ah District Museum thar hawn a ni

Zonuna Kawlni /

Lunglei Sazaikawn-a District Museum Lunglei sak thar chu nimin khan Art & Culture Minister C. Lalsawivunga chuan a hawng.

Art & Culture Minister hian Museum banga a hawnna lungphun khuhna puanzar a pawh hawn hnuah Ribbon chep chatin, Museum chhung chu a fang kual nghal a. Museum a fan zawh hian Museum Exhibition Hall-ah Museum hawn puala inkhawm buatsaih chhunzawm a ni.

District Museum Lunglei hi Ministry of Culture, Govt. of India atanga sum hmuh Rs. 9,19,13,000/- senga sak niin M/s Okahito Consultancy Services, Khatla, Aizawl te'n a sak hna hi an thawk a. October ni 24, 2020-ah hna tanin, March ni 8, 2024 khan sak zawh a ni. District Museum Lunglei hmunhma zau zawng hi square metre 25,273 a ni a, Basement-ah Reserve Collection Room, Fumigation Room, Laboratory, Office, Workshop, etc. awmin Ground Floor-ah Lobby/Reception Counter, Souvenir Shop, Ticket Counter, Library cum Cafeteria leh Museum Gallery hrang hrang a awm a, 1st Floor-ah pawh Gallery hrang hrang awmin Multipurpose Hall a awm bawk a, a chung berah Open Theatre a awm bawk.

Comments

Post a Comment

Popular News (Last 30 Days)

Electric current in man

Zonuna Kawlni /
Image
Nimin chhun khan Serchhip Vengchung-a cheng Lalruatdika chu a hnathawhna ah Electric in manin ZMC-ah enkawl tura hruai nghal a ni. Thudawn danin Lalruatdika s/o T. Laldanglova, Serchhip Vengchung hi Serchhip Vengchung-a Govt. M/S chhak ah mi In sakna ah Mistiri hna a thawk a, nimin chhunlai pelh hret ah khan a chung lama Iron Rod an lek chuan an In sak mek chunga kal Serchhip Entlang lam Power pekna, 11kV Line chu a fuh palh a, Electric hian a man zui ta a ni. Lalruatdika hi Serchhip damdawi In panpui nghal a ni a, nimin vek khan ZMC panpui leh nghal a ni. Nimin-a Electric in Lalruatdika a man laia a awmna Beam atang hian Electric Line hi meter 1.5 vela sang nia thudawn a ni bawk.
Kimchang zawkin »