Kuhva rah tawlh chungchang CBI chhui tir dawn

Gauhati High Court, Aizawl Bench chuan Myanmar atanga kuhva rah tawlhruk thubuai chungchang chu Central Bureau of Investigation (CBI) chhuitir turin thutlukna a siam.

Kuhva tawlh chungchanga Vanram-chhuangi PIL thehluh hi July ni 16, 2024 khan Gauhati High Court Judge, Justice Michael Zothankhuma leh Justice Marli Vankung kaihruai chuan a ngaihtuah hnuah Court chuan CBI chhuitir turin thutlukna siam a, Mizoram Police lamin India ram pawn, Myanmar ramchhung mi inrawlh an awm avangin an tan chhui vek a harsat tur thu an sawi avang leh PIL thehluttu lamin CBI chhuitir ngei a duh avangin Court chuan CBI chhui tur leh a tul dan anga Case pawh CBI lam ziahluh turin thutlukna a siam ta a ni.

Ramdang kuhva rah tawlhrûk chungchangah hian Vanramchhuangi, Chaltlang chuan December 29, 2021 khan Champhai Police Station-ah FIR a thehlut a, April ni 29, 2022-ah Gauhati High Court Aizawl Bench-ah Public Interest Litigation (PIL) a thehlut leh bawk a ni.