Kumin ah Chhiah hmu tha

Taxation Department chuan sawrkar kum liamta-a Quarter hmasa ber aiin kumin Quarter hmasa berah chhiah cheng vbc. 19 chuangin an hmu tam zawk.

Taxation Department-a thawktute sawi danin nikum Quarter hmasa ber (April-June, 2023) chhung khan Chhiah chi hrang hrang atangin Rs. 3,07,09,62,356 an hmu a, kumin April atanga June inkar khan Chhiah chi hrang hrang atangin Rs. 3,27,03,97,428 an hmu leh a. Nikum aia kumin-a Chhiah an hmuh hi Rs. 19,94,35,072 in aa tam zawk a ni. Department chhinchhiah danin nikum 1st quarter-ah khan GST atangin Rs. 2,74,07,51,892, Profession Tax atangin Rs. 2,44,01,745, Sales Tax atangin Rs. 30,57,36,169 leh thildang atangin Rs. 72,550 an hmu a. Kumin 1st quarter-ah GST-ah Rs. 2,87,33,83,784, Profession Tax atangin Rs. 2,04,24,135, Sales Tax atangin Rs. 37,65,35,559, Entertainment Tax atangin Rs. 10,000 leh thildang atangin Rs. 43,950 an hmu a ni.

Sawrkarin kum 2023-24 chhunga Taxation Department revenue lakkhawm tura a bituk (BE) chu cheng vbc. 1,000.00 a ni a. Hei hi Revise Estimate (RE)-ah cheng vbc 1,098.50-ah tihsan a ni a. Department hian an (RE) target hi cheng vbc 14.08-a khumin, chhiah hi a vaiin cheng vbc 1112.58 an hmu a ni. Chhiah an hmuhna langsar zualte hi GST-ah vbc 970.25, VAT-ah vbc 125.93 leh Profession Tax atangin vbc 16.37 te an ni.

Chhiah hmuhna zingah hian GST atangin a lut sang ber a, Mizoram VAT hnuaiah GST hnuaia lut ve lo Petroleum products hrang hrang atangin chhiah lak a ni bawk a. Profession Tax hi dan ang taka eizawnna neite hnen atangin an sum lakluh atanga lak thin a ni. Heng bakah hian GST hman anih hmaa Entertainment Tax atanga chhiah ba Rs. 30,000 leh Firms & Societies Registration fee Rs. 2,19,370.00 te a tel bawk a ni. 

Comments

Popular News (Last 30 Days)

Serchhip DCSO sawn a ni

Bawngchawm tlang khualbuk rawktu nia hriat mi 2 man