AMC thuneihna High Court in tihtawp sak then rih
Aizawl Bawngkawn leh Durtlang Leitan inkar kawng huamchhung bika lei laih leh In sak phalna pek chungchanga AMC thuneihna chu Gauhati High Court, Aizawl Bench chuan a tihtawp sak rih.
Gauhati High Court, Aizawl Bench chuan niminpiah khan he thupek hi chhuahin, Bawngkawn leh Durtlang Leitan inkara lei laih avanga leiminin mipui khawsak phung a tihbuai avanga INTACH Convener hnen atanga Suo Moto an dawn bawhzuia thupek hi chhuah a ni a, Court chuan hemi huamchhung bika Aizawl Municipal Corporation in Insak leh lei laih phalna permit a pek theihna chu hman theih loha titawp rihin, AMC in hemi huamchhunga In sak phalna a pek zawng zawng, chhawng khat pawh la sa zo lo te chu an insak phalna a cancel sak nghal vek a, AMC atanga phalna hmuh a nih pawhin Insak emaw, lei laih emaw khap a nih thu thupek a chhuah a, AMC chu In sak phalna an pek zawng zawng zinga chhawng khat la sa zo lo te list thehlut turin Court hian a hriattir bawk a ni.
Comments
Post a Comment