Kuhva chingtu ten July 5 thleng sawrkar ngaichang

Vairengte, Bilkhawthlir leh Hachhek bial-a Kuhva chingtute chuan dan lova kuhva lakluh Mizoram chhung Kudam hrang hranga la awm nia an hriatte titawp turin sawrkarin July ni 5, 2024 thlenga hma a lak loh chuan hnatlang koh an tum tih an sawi.

Heng khaw pathum-a Kuhva chungtu kalkhawmte chuan niminpiah tlai khan thuchhuah intawm siamin, thla kalta June ni 6, 2024 khan Joint Resolution siamin, Mizoram chhunga Dan lo a kuhva lakluh stock-na Godown hmun engemaw zatah ala awm thu leh heng Godown te hi June 30, 2024 ralhmaa titawp vek turin Mizoram sawrkar an ngen thu bakah Sawrkar-in Kuhva ro stock-te mana a titawp lo anih chuan Kuhva chingtuten a tul angin hnatlang a ko ang tih an lo pass tawh chu niminpiah-a Kolasib DC leh SP hova an thutkhawmah an sawi thu an tarlang a, sawrkar thuneitute chuan hnatlan kher ngai lova thenfai thuai an thu hrilhin, hnatlang nei rih lo tura an ngenna chu kuhva chingtute chuan ngaihtuahin, tunkar Zirtawpni, July ni 5,. 2024 thleng sawrkar hmalakna an nghah tur thu thuchhuah ah chuan an tarlang a, hemi hnu lama hmalakna a awm lo a nih erawh chuan resolution an lo pass tawh angin Kuhva chingtuten a tul angin hnatlang koh an tum thu an sawi bawk a ni.

DC hova Kuhva chingtute thutkhawm ah hian tunhnaia Vairengte leh a chhehvela kuhva bag 9635 hmuh te chu man a la nih loh thu leh man tura hmalak mek a nih thu tarlan a ni bawk.