International Seminar on Mizo tobul Chhuina nei

Nimin khan Durtlang North-a ICFAI University-ah ‘International Seminar on Mizo Tobul Chhuina (Tracing the History and Origin of the Mizo People)’ neih a ni a, Art & Culture Minister C. Lalsawivunga chuan a hmanpui a ni.

Tribal Research Institute, Art & Culture Department leh Department of History and Department of Mizo & Cultural Studies, ICFAI University, Mizoram tangkawpin an buatsaih he Seminar-ah hian Art & Culture Minister chuan Mizote hian kan nihna tak tak hrechiang tur chuan kan paltlang tawh te kan hriatchian a ngai a. Thlang kan tlakna kalkawnga hnam hrang hrang te nen kan inawmpawlh dan te thlengin zir tur leh chhut tur a tam em em a ni, a ti a. Kan History chu ziaka inhlanchhawn ni lovin thu a inhlanchhawn a nih thu sawiin, Rilru tihtakzeta seng a, kan tobul ziaka dah that en let tur awm lo mahse, kan pipute sulhnu leh tobul document te awmna a hmun ngeiah kalchilh a, kan chhuichian a pawimawh hle, a ti a. Rilru awn bik leh herlam nei lova kan History te kan Historian te'n chhui se a duh thu a sawi bawk.

He Seminar hi ni 2 awh tur niin mithiam hrang hrang ten thu an sawi dawn a ni.