Common Services Center (CSC) kum 15-na lawm

Mizoram-a Common Services Center (CSC) te chuan nimin khan Aizawl-a I&PR Auditorium-ah an din champha kum 15-na an lawm.

CSC dincham lawmna hunah hian chawhma lamah Village Level Entrepreneur (VLE) titha te pahnih C Lalrindika, Kolasib District leh Lalramdinmawia Hringngen, Aizawl District te chawimawina hun hman a ni a. Chawhnu lamah State Guest House-ah CSC-te leh India Oil Corporation Ltd-a Distributor ten Mou Sign runpui neiin IOC hnuaia LPG distributor te leh CSC mi 30 vel ten inremna thuthlung an ziak a. He inremna thuthlungin a tum ber chu LPG distributor awm lohna khuaah CSC ten mipui te awlsam zawk nan LPG an lo sem thei tawh dawn a. CSC pakhat in Distributor hnen atangin vawikhat lakah bur 7 zel a lak theih bakah New Gas Connection leh Booking te pawh a tih sak nghal thei dawn a ni. 

CSC te hi Ministry of Information and Communication Technology (MietY) hnuaiah kum 2009 atang khan mipui ten awlsam zawka sawrkar an dawr theih nan a din a ni a. CSC te hian service hrang hrang Sawrkar Service Tribal, Income, Residential Certificate, Aadhaar, Banking,Digipay, Mini ATM, Pan Card, Mobile recharge, Insurance hrang hrang, PM Welfare scheme, Agriculture, Health, Education leh Skill, Legal, Grameen e-store, Tours & travels te leh a dang te mipui hnenah service an pe a, Mizoram-ah CSC 1126 awm mekin nikum Financial Year chhungin CSC ten service hrang hrang atangin pawisafai cheng vbc. 69 chuang an thawkchhuak a ni.