CNF leh ZRO te inbia in thawhhona siam a ni

Chin National Front (CNF) leh Zomi Re-Unification Orga-nisation (ZRO) te chuan remna zawnga inbiakna chu Inrinni khan Aizawl ah an nei.

ZO Re-Unification Organisation (ZORO) hmalakna a heng pawl pahnih inbiakna hi ZORO Vice President leh Adviser to CM (Political) Lalmuanpuia Punte Pisa-ah neih a ni a, he hun hi ZORO President R. Sangkawia chuan kaihruaiin Chin National Front (CNF) leh Zomi Re-Unification Organisation (ZRO) te hian kumin May 2024 thla tir khan inhmuhthiam lohna neiin Silai hial chelek a ni a, nunna chan engemaw zat an awm a. ZORO chuan palai hnathawkin unau inhmelhai hi tha a ti lova, heng pawl pahnih te hi inrem taka an awm theih dan zawngin inrem a nih theih nan inbiakna hmasa hi neih a ni ta a ni.

He inbiakna ah hian thawhhona thuthlung hmasa siam niin Zofate (Chin-Kuki-Zomi/Mizo) chu thlahtu thuhmun, tawng khat hmang, nunphung thuhmun, serh leh sang inkhawih pawlh, beiseina thuhmun vuana dam leh tlang khatah, thih leh ruam khatah ti thin unau an nih thu sawiin, “Kan ram leh hnam tana hma kan lakna kawngah kan thahnemngaih luat avanga unau kan inhmu thiam lo hi pawi kan ti a, tun hnuah thleng tawh lo se kan duh,” an ti a. Inremna tluantling a awm theih nan a tul dan a zira inbiakna neih leh nise an ti bawk.