Assembly Speaker in hmanpui

Assembly Speaker Lalbiakzama chuan Inrinni khan Tam Dil-ah Contour Hedgerow Farming Programme hmanpuiin Mizoram chu tlangram a nih avangin leilung a luangral chak a, lei tha a inchhekkhawm leh har avangin khawvel hmun dang, ram rem leh phaizawlte aiin a let tam takin humhalh a hautak zawk tih a sawi a, Contour Hedgerow Farming hmanga leitha kal ral lo thei ang bera leilung hman tangkail eh chu chu mihring leh nungchate damkhawchhuah nana tih makmawh a ni tih sawiin, mihringte nunna atan chaw tharchhuahna tur leilung mamawh a nih thu a sawi bawk.

Tam Dil Wetland Monitoring Committee hnuaiah hian Saitual, Sihfa, Tualbung leh Dilkhan khua te awmin anni hian Balhla leh Lakhuihthei an ching a. Hei bakah hian Tam Dil Integrated Management Plan hnuaiah Farm Based & Skill Based Microenterprises atangin chhungkaw 150 in tanpuina dawngin Speaker hian chhungkaw 106 hnenah tanpuina a hlan bawk a ni.