ASF vangin Vawk 32 thi leh

Zonuna Kawlni /

Nimin khan Serchhip District chhungah ASF avanga Vawk thi 32 chhinchhiah leh niin Vawk 101 zet suat leh a ni thung.
 AH&Vety Department chhinchhiahna atanga a lan danin nimin khan Serchhip District-a khaw 8-ah ASF avanga Vawk thi 32 chhinchhiah niin Thenzawl-ah 13, New Serchhip South-ah 10 leh North Vanlaiphai-ah 4 a thi a, Baktawng, Chhiahtlang, Serchhip Veng-chung, P&E Veng leh Field Veng-ah Vawk pakhat theuh a thi bawk. Nimin vek khan Serchhip District-a Veng leh khua 15-ah Vawk 101 zet suat a ni bawk a, heti hian nimin thleng khan Serchhip District-a Veng leh khua 28-ah kumin chhungin ASF vangin Vawk 1426 a thi tawh a, Vawk 3772 suat a ni tawh bawk a ni.

African Swine Fever (ASF) hri leng hi kumin hian Mizoram-a khua leh Veng 178 ten tuar tawhin Vawk thi zat hi 6500 aiin a tam tawh a, hri leng tur venna atana Vawk suat pawh 13,000 a tling tawh bawk a ni.

Comments

Post a Comment

Popular News (Last 30 Days)

Electric current in man

Zonuna Kawlni /
Image
Nimin chhun khan Serchhip Vengchung-a cheng Lalruatdika chu a hnathawhna ah Electric in manin ZMC-ah enkawl tura hruai nghal a ni. Thudawn danin Lalruatdika s/o T. Laldanglova, Serchhip Vengchung hi Serchhip Vengchung-a Govt. M/S chhak ah mi In sakna ah Mistiri hna a thawk a, nimin chhunlai pelh hret ah khan a chung lama Iron Rod an lek chuan an In sak mek chunga kal Serchhip Entlang lam Power pekna, 11kV Line chu a fuh palh a, Electric hian a man zui ta a ni. Lalruatdika hi Serchhip damdawi In panpui nghal a ni a, nimin vek khan ZMC panpui leh nghal a ni. Nimin-a Electric in Lalruatdika a man laia a awmna Beam atang hian Electric Line hi meter 1.5 vela sang nia thudawn a ni bawk.
Kimchang zawkin »